91. ad Antonium Caracciolum Salvatoris filium
Solvimur in lacrymas, cum findit Sirius agros,
Liquimur in flammas, cum premit arva gelu,
Quinetiam medio prorumpit Nilus ab aestu,
Eque meis lacrymis Aetna alia exoritur.
5
Nec liquet inter aquas quae sit nova causa caloris,
Nec cur perpetuo manet ab igne liquor;
Antoni, cui notus Amor, mihi consule, cur sic
Fons abeam in flammas, flamma abeam in lacrymas.