11. De pleuresi

At si forte pium latus pulsaverit ingens

Morbus et ancipiti turbatur vita periclo,

Accelerare lupi pellem studeas et ponere caldam;

Et cervi medulla potens cum unguine capri

5

Protinus in cacabo mittantur, igneque lento,

Pix pariter Britia societur decoquiturque,

Farris et ipsa lupina simul, et non sine croco,

Sicque malagma pium morbo iungatur acerbo,

Quo requies detur misero nimium laboranti,

10

Et vitium pellit celebris medicina Tonantis.