2. Laurentio Lentio Bononiae magistratui

Nunc mea formosa est, vereque Bononia foelix,

      Atque ego vel magnum Laure Tybrim supero

Cum tu iustitia, ac nulli pietate secundus

      Alterna laxas frena, premisque manu

5

Praeside te nulli non poena infligitur, et te

      Praeside non ulli praemia deficiunt?

Perge modo, ut nullus sit me foelicior amnis,

      Et celebrent nomen saecula cuncta tuum.

Haec tibi Apollinea redimitus tempore fronde

10

      Magnus ab exiguo gurgite Rhenus ait.