202. idem ad eundem

Iudex candide carminum meorum,

Varchi maxime et optime, o poeta,

Tantum crescit amor tui medullis

Intimis mihi singulas in horas,

5

Quantum fama tui polo propinqui

Collis vitiferi, unde nomen ortum

Et genus tibi. Namque plus Apollo

Se non Aonidum iugis sororum

Iactat te quoque, gloriatve uno,

10

Si perfecta canam ac videbor olim

Digna dicere, te valere, nomen

Post sublime tuum feram sub astra.