67. sacrificium

Cum patriam durum exilium, sed sponte sequutus

      Linqueret, haec tristi pectore Damon ait:

Ipse vides totos vexari milite campos,

      Et late egregias igne micare domos.

5

Omnia victor habet, sed nos rerum omnium egeni,

      Quisque alias, heu sors, cogimur ire vias,

Quae mihi sola tamen superest spes de grege toto,

      Vna quoque haec Lenti, corruet agna tibi.

Sic fatus ferrum media inter cornua librans,

10

      Balantem certo vulnere stravit humo.