47. Pauli Benivenii

Te quoque, Paule, neci miserunt impia fata,

      Nec prodesse tibi lingua triplex potuit,

Nec quod eras aetate puer, vir pectore, nec quod

      Summa tibi pietas, summum erat ingenium.

5

Credo equidem non digna tuis virtutibus aetas

      Nostra erat, atque haec tam perdita saecla hominum;

Vive deis, igitur, permixtus, claraque coeli

      Templa habe, et aeternum, perpetuumque vale.