31. ad genium Catulli
Dum Venus et Veneri positis Mars gratior armis
Gramineo fessus dormit uterque solo;
Irrepsit tunicas divae formica labentes,
Et teneras rigido vellicat ore nates.
5
Icta Venus clamat, somno Mars excitus arma
Corripit, et nudo nescius ense micat.
Adspiciens caelo qui conspicit omnia Phoebus
Est ratus in Venerem stringere tela deum.
Advocat auxilio Superos, descendit Olimpo
10
Iuppiter armatus, Pallas et alma Ceres.
Territa securo formica reconditur ano,
Atque iterans morsus spernit ab arce Deos.
Flet Venus, abducit morsu formica cruorem;
Viscera purpureo sanguine tincta rubent.
15
Quid facient Superi? Sunt ignea tela Tonantis
Irrita, gradivi nil opus ense Dei.
Ecce Priapus adest, solus tulit ipse salutem,
Apta ministerio mentula tenta fuit,
Quam Deus hortorum Veneris confixit in anum,
20
Et telo haerentem traxit ab arce feram!
Nigra cruore suum mutat formica colorem.
Hinc rubet, et generi permanet ille color.
Candida quae fuerat, Veneris madefacta cruore
Mentula purpuream servat in ore notam.
25
Hinc prius ignotam sedem tentasse Priapum
Fertur et aversae grandia foeda Deae.
Antraque nunc edam tacitas formica latebras
Intrat, et intactas non sinit esse nates.