22. de Quintia et Salio

Quintia Romanae mulier bene cognita plebi

      Haec, quam custodem fornicis esse ferunt,

In quam vicinis tentigine concita ab agris

      Exercet validum rustica turba latus:

5

Quamvis nec longum arguitur cessare per aevum,

      Sedulaque in lustris nunc quoque praestat anus:

Victa tamen Salio concedit; et ut videt una

      Tot nocte hunc cupidos emeruisse viros,

Hunc lectum, hanc (ait) exiguo cum lumine sellam,

10

      Arma meae melior, tu puer, artis habe.