Berardino Rota epigrammata, 22

Reference basis text: C. Zampese, 2007

Editing of the digital edition: Linda Spinazzè


22. Fama ad Carolum V Caesarem loquitur

Etsi pressa cadet tantae sub pondere vocis,

      Vel mediis penna deficiente viis,

Exoptat plura ora tamen, duplicesque volatus,

      Vt referat laudes nuntia Fama tuas.

5

At nescit quo Caesar eat: sunt te omnia plana.

      Nil ultra, quo iam progrediatur, habet.