128. de eodem principe

Vidit ut hostiles turmas Farnesius Heros

      Hesperiis numero, robore et arte pares,

Qualis Cervorum viso procul agmine fortis

      Quadrupedum Rex, mox ait expediam.

5

Irruit et validis vibrata viribus hasta

      Funduntur celeri diffugiuntque pede.

Vt retinere duces nequeant qui terga dedere,

      Vnus ait tractus Mars ruit aethereo.

Cedamus superis, qui bellum more gigantum

10

      Gesserit iniuste, sentiet arma Iovis.