84. eiusdem in Helicem Fontem

Castalias vates aut Hippocrenidas olim,

      Nunc celebrant Helices carmine fontis aquas.

Maior inest virtus tamen his, quam fertur in illis,

      Quas qui bibit tantum ille poeta fuit;

5

Has qui libarunt triplici meruere corona

      Cingi carminibus, legibus, eloquio.

Quid maius potiatve ulla unquam protulit aetas?

      Virtutum hinc sitiens hauriat omne genus.

Felices helices undae, quis saecula nostra,

10

      Quis vates noti, fontis, et auctor erit,

Qua Tanais Rodanusque fluit, qua Nilus, Hiberus,

      Dum coelo veri Numinis aura fluet.