59. ad serenissimum Venetorum principem Nicolaum a Ponte

Arx munita tibi nostrae, Pons, Vrbis, et intra

      Moenia deductis fons Larianus aquis:

Te Praetore tibi nos tantum obstrinxerat ante

      Vt tibi vix nostrum solvere posse foret;

5

Principe nunc vero te deducente relapsas

      Fontis aquas maius cernimus istud opus,

Vel Alcidae meritis vel Castoris olim

      Graecia debemus, dux bone, tanta tibi.