18.
Has lacrimas, atque haec imo suspiria corde
Tracta gemens libo, candida Hyella, tibi.
Haec tibi nunc, mox vitam ipsam libabo, animamque,
Cumque tuis miscebo ossibus ossa mea.
5
Quosque maritali non iunxit taeda Hymenaeus,
Funerea iunget Mors violenta face.
Quod si nupta meum conscendit Nisa cubile,
Non tamen umquam animum ceperat illa meum:
Sed mea me pietas patri parere coegit
10
Impia, me durus perdidit ipse pater.
Si fallo, haud ambo terra tumulemur in una,
Nec tua sit felix manibus umbra meis.