12.

Esto magna Ceres, et Pan mihi testis; amantum

      Et quae firma facit foedera, sancta Venus;

Nulla dies, Ligurina, tuo me solvet amore,

      Non si me Dryadum sanguinis una petat.

5

Vt rupem hanc validis impellunt flatibus Euri,

      Sed nullo rupes verbere pulsa labat,

Sic semper mea magna fides immota manebit,

      Et mea mens uni serviet usque tibi.

Dii faciant, in amore pares vivamus, et uno

10

      Ambos una tegat funeris hora loco.