Teofilo Folengo varium poema, 44

Reference basis text: C. F. Goffis, 1958

Editing of the digital edition: Daniela Marrone


44. de Surrento

Delicias Phoebi, Musarumque ocia sentis,

      Dum surrentina gargara in urbe tenes.

Nempe (modo veniat quod edas aliunde) recessus

      Non habet huic Helicon, mollis et Ascra, pares.

5

Verum si colles tantum apponantur aprici:

      Sit tibi Surrentum delitiosa fames.

Aere camaleon nutritur, rore cicada,

      Haec ea Surrentum dat tibi, pane caret.