Teofilo Folengo varium poema, 33

Reference basis text: C. F. Goffis, 1958

Editing of the digital edition: Daniela Marrone


33. ad Federicum Gonzagam Mantuae ducem

Palpanti Styga Dux o praestantissime coelum

      Tun mi ades? an nocti sufficis astra meae?

Sed proh quanto ardes nunc Phoebo! Quod nisi ab illo

      Stem procul, ecce in noctem, et Styga, rursus agor.

5

Qua re age iam quae sit tua lux patiare videri:

      Si procul, expande, si prope, coge iubar.

Nam mihi non acies illa est, quae proxima possit

      Divinum Solis lumen adire tui.