20. in Gallam furentem
At quis, o Divum pater, at quis, inquam,
Inter heroas fuerit potentes,
Qui satis firma petat huius iram
Fronte colubrae?
5
Vt ferox, ut turpis, ut expedita
Impetus in me ciet; ut bilingue
Os tumet vibrans, ut anhela me iam,
Iamque retentat.
Per tuum te connubium, per ipsos
10
Liberos Sampsone meo receptos
(Ni qua dirarum thalamos cerastas
Pexit in illo<s>)
Oro, quid ferro similis petitae
Belluae saevis? agedum luparum
15
Pessima, en me me tibi dedo: vince:
Pascere carnes.