101. de venia concessa a summo pontifice

Sacra Palatini qui protegit hostia templi

      Christigenis magnam constituit veniam

Et nos a Stygia Clemens exemit ab unda

      Vmbrosumque Erebi clausit inanis iter.

5

Ergo devotis laetemur mentibus omnes

      Ponamusque sacris thura Sabaea focis

Debitaque aetherio reddamus vota Tonanti,

      Qui voluit templi hunc pontificem esse sui.