95.

Dum lini segetem nocturna ad lumina purgo,

      Et iuvat hinc molles atteruisse manus,

Paulatim incipiunt longae procedere noctes,

      Et dulces somnos tardior hora ciet.

5

Tum mihi post septem obrepas, si forte sopore

      Assuetum mater fessa remittat opus.

Huc ego quae dudum Lycida intemerata reservo

      Oscula, nec fratri cognita, mille feram.

Tantum vix teneris illidens gramina plantis

10

      Disce pedem nullo tu mihi ferre sono.