Francesco Maria Molza carmina, 14

Reference basis text: M. Scorsone, Rossana Sodano, 1999; P. Serassi, 1747

Editing of the digital edition: Daniela Marrone, Michela Naccari


14. de Clemente VII Pontifice Maximo

Sidera dum repetit Clemens, terrisque relictis

      In sibi iam parta collocat arce pedem,

Subducunt caelum nubes, et nocte coorta

      Proluvies foedis imbribus arva premit.

5

Caeruleus tumido Tiberis caput abdidit alveo,

      Et formidatis flumina laxat aquis.

Scilicet et fluvios dolor attigit, ipsaque funus

      Certatim ducunt moesta elementa novum.