Francesco Maria Molza carmina, 6

Reference basis text: M. Scorsone, Rossana Sodano, 1999; P. Serassi, 1747

Editing of the digital edition: Daniela Marrone, Michela Naccari


6. de arce Capitolina de caelo tacta
ad Paullum III Pontificem Maximum

Nuper Tarpeias repetitis ictibus arces

      Impulit ardenti quod pater ipse manu,

Quodque idem media nimborum in nocte refulsit

      Stellarum cinctus, conspicuusque choro,

5

Et tibi quod flagrans pinus mole excidit alta,

      Haec quoque nocturnis ignibus usta Iovis,

Paulle, tibi optatam portendunt numina Pacem,

      Adventum magnae testificata Deae.

Sume animos, pacata secas pater aequora: malo

10

      Nil opus est, tuta nat tibi puppis aqua.