13. in festo Petri et Pauli ad Christigenas

Annua coelitibus redeunt iam sacra duobus,

      Christigenis quibus est pax data supplicibus

Et quibus horrendi iacuerunt proelia Martis

      Efferaque occubuit Palladis ira deae.

5

Ergo hos devotis veneremur mentibus atque his

      Ponite, mortales, debita thura focis.

Aurea namque dabunt humanae saecula genti

      Permittentque sacri tecta subire poli.