Ludovico Ariosto carmina, 58a

Reference basis text: M. Santoro, 1989

Editing of the digital edition: Daniela Marrone


58a. idem

Ludovici Areosti humantur ossa

Hoc sub marmore, seu sub hac humo, seu

Sub quicquid voluit benignus haeres:

Nam scire haud potuit futura de se,

5

Nec tanti vacuum fuit cadaver

Illi urnam ut cuperet parare vivens.

Signari voluit tamen sepulchrum,

Ne, cum spiritus ultimo dierum

In membra haec veniet redire iussus,

10

Inter tot tumulos diu vagetur.