Ludovico Ariosto carmina, 58

Reference basis text: M. Santoro, 1989

Editing of the digital edition: Daniela Marrone


58. epitaphium Ludovici Areosti

Ludovici Areosti humantur ossa

Sub hoc marmore, seu sub hac humo, seu

Sub quicquid voluit benignus haeres,

Sive haerede benignitor comes, sive

5

Oportunius incidens viator;

Nam scire haud potuit futura: sed nec

Tanti erat vacuum sibi cadaver,

Vt urnam cuperet parare vivens.

Vivens ista tamen sibi paravit,

10

Quae inscribi voluit suo sepulchro

(Olim si quod haberet is sepulchrum),

Ne, cum spiritus, exili peracto

Praescripti spatio, misellus artus,

Quos aegre ante reliquerit, reposcet,

15

Hac et hac cinerem hunc et hunc revellens,

Dum noscat proprium, vagus pererret.