47. epitaphium Labullae

Huc oculos, huc verte, Bonae quicunque Parentis

      Templa subis, sibi et haec quid velit urna vide.

Flaminis hic uxor Turini funere acerbo

      Dulcis ab amplexu rapta Labulla viri est;

5

Quae forma et censu innumeras et honore parentum,

      At virtute omnes vicerat una nurus.

I nunc, et votis coelum, miser, omne fatiga,

      Quando bona haec quanti sint facienda vides.