16a. epitaphium

Paulum siste, viator, et tibi sit

Munus quod patris elegantiarum

Et cultae simul eruditionis

Laeli Cosmici amabilem videbis

5

Vrnam et Pieridum choro frequentem.

Est munus tenue, est nimis pusillum,

Prae quo vate frui, manente vita,

Tam comi et lepido tibi fuisset.

Rursus nec tenue est nec est pusillum,

10

Cui non contigerit, manente vita,

Tam comi et lepido frui poeta,

Saltem relliquias videre; nam quae

Rari noticia et boni et probati

Detur quantulacumque amanda est.