45. ad Caeliam

Dum cernit nitida sese Narcissus in unda

      Et perit, in florem labitur omne decus.

Saepe illum in pratis pueri et legere puellae,

      Texentes pexis florida serta comis.

5

Dum pressat disci moles onerosa Hyacinthum,

      Quaesitus Phoebo flos tener haesit humo.

Ille etiam, rabies apri quem dira furentis

      Pressit, Acidalium per nemus omne rubet.

Tu, quia nec flammas nosti neque dulcis amoris

10

      Praemia, eris duro in marmore dura silex.