93. ad Michaelem Lipeum, Traguriensem

Accidisset si te facientem verba, Lipee,

      Exciperet plausu Tullius illa suo.

Si noscet quanto scruteris acumine verum,

      Diceret: "hic callet dogmata nostra" Plato.

5

Si quoque vidisset qua praestas arte medendi,

      Te sobolem Phoebus crederet esse suam.

Ipse tuos etiam si possit cernere mores,

      Vt puto, non alios vellet habere Cato.

Felix quem praesens et postera conferet aetas

10

      Ingenio claris et pietate viris.