Francesco Di Natale carmina, 81

Reference basis text: M. Marković, 1958

Editing of the digital edition: S. Di Brazzano


81. aliud epitaphium per eundem

Quis iacet hic? Marcus. Quis Marcus? Marulus ille,

      Cuius honos terras, spiritus astra tenet.

Tanta quibus meruit tantus vir dotibus? Orbem

      Vindicat eloquio, religione polum.

5

Vix, puto, credibile est dominis placuisse duobus;

      Hic placuit: tanto vir fuit ingenio.

Macte, viator ades quisquis, virtutibus esto,

      Qui cupis et mundo gratus et esse deo.