68. epitaphium Hieronymi Srichiae

Hieronymus iacet hic, fausto cognomine dives;

      Re tamen innumeris ditior atque bonis.

Pulcher erat, pulchra gaudebat coniuge, felix;

      Vestibus, argento, nobilitate potens.

5

Candida lanificae versant sibi lustra puellae,

      Bis quatuor vitae cum statuere modum.

Proh scelus! invidit Lachesis felicibus annis

      Quae subito laetas turbat acerba vices!

Prospera quisquis habes igitur confidere noli:

10

      Tempora saepe solent deteriora sequi.