67. ad Annibalem Lutium
Astra, racemifera redimitus tempora lauro,
Transiget Hectorea Caesar in arte potens;
Inachus Argolico tumefactus sanguine vivet
Semper et a proavis tot numerabit avos.
5
Dum dabit orbis opes, felicia munera tellus,
Aether aves, conchas aequora: Croesus erit,
Gadibus ad Tanaim, qua currit Nilus ad Istrum:
Annibalem pulchro carmine fama canet.
Principibus laurus, quod praestitit aula beatis,
10
Stemmata nobilibus: carmina dant Lutio.