Francesco Di Natale carmina, 4

Reference basis text: M. Marković, 1958

Editing of the digital edition: S. Di Brazzano


4. ad amicam futuram

O nimium felix, felicior illa sed esset,

      Quam facerent veram carmina nostra deam.

Quid? Formosa tuas superasset, Cynthia, laudes,

      Blandidulis quamquam sis celebrata modis;

5

Delia non tantos posset numerare favores,

      Quos adhibes formae, culte Tibulle, suae,

Ipse meis quantos canerem felicis amicae

      Carminibus: turpis vel, foret illa decens.