Daniele Fini carmina 27

Testo base di riferimento: S. Pasquazi, 1966

Cura dell'edizione digitale: M. Sartor, 2023


Ad Divam Victoriam Aterninam Daniel Finus

 

Ex te nomen habes victo Victoria mundo

      Conveniens aliud non tibi nomen erat.

Illud ab effectu tibi congruit, indidit illud

      En tibi venturi praescia facta parens.

5

Illecebras et opes et mundi commoda calcas

      Quae tibi nunc vilis regia vestis erat.

Nunc ieiuna sacros Davidis Christique libellos

      Dextera quae sceptrum ferre solebat, habet.

Si mundi es νίκη, quae sunt tibi praemia pugnae?

10

      Mox mihi post cineres, inquis, Olympus erit.