Ad Ianum iuvenem pediconem et cinaedum

Iane, tibi merito clavem baculumque vetustas

      Et geminos vultus oraque bina dedit.

Mollia cum pueri conscendis terga iacentis,

      Tempora praeposita fronte futura vides.

5

Obscuras quotiens recto subis inguine partes,

      Diceris occlusas clave aperire fores.

Cum pueri membrum manibus producis amicis,

      Innixus baculo membra caduca iuvas.

Sed quotiens molli succumbis, Iane, cinaedo,

10

      Cernere te lapsi temporis acta ferunt.

Non mirum est totum resonant si bella per orbem:

      Ianua nam templi semper aperta tui.