15. de ficto quodam amico

Nescio quis verum simulans, Theodore, sodalem,

      In mea letiferum pectora strinxit opus.

Strinxit et illa vocat socii monumenta iocantis:

      Quis novus hic fossum me iugulare iocus?

5

Si data pro medica fuerint aconita salute,

      An dices grato mixta venena ioco?

O talem falsi lusum experiantur amici:

      Non alium debet fictus habere iocum.

Carmina sed fuerant socii opportuna iocantis:

10

      Interdum ex merito res venit apta suo.

Dum tenera egererem liquidi excrementa liquoris,

      Servili oblata est cartha petita manu.

Vix lecto abstersi merdosum carmine culum,

      Quos meruit lusus, cartha cacata tulit.