61. de seipso semper amante

Sex ego cum plena perago trieteride lustra,

      Nec placet in speculo iam mea forma mihi;

Nec responsurum spes improba fingit amorem,

      Blanditiisque levem suspicor esse fidem.

5

Cum tamen haec ita sint, capior miser illice vultu,

      Et nunquam a dura compede solvor amans.

Iam iam, militia nostrae contenta iuventae,

      Desinat aut ceston commodet alma Venus.