80. ad Lidam

Iam miserum variis potuisti, Lida, furorem

      Nosse modis, Paphii duraque vincla iugi.

Fidus amans nulla, me iudice, destitit in re,

      Vreret ut pariter mutua flamma duos;

5

Tu mihi, scaeva, tuos vel adhuc tamen occulis ignes:

      Ah fateare, precor, siquid amoris habes!

Gratia sin etiam misero exoptata negatur,

      Me iubeat scripti parvus abire tenor;

Dulcius hoc fuerit, quam tot mala commoda ferre,

10

      Nam pacis vivet spes mihi certa: vale!