65. de Brotheo

Omnibus arridet Brotheus, maledicit et omni

      Palpat, et innocuum rodere callet herum.

Non hic amicorum natas dominique nepotes,

      Nec famulas Christi contemerare timet;

5

Ecclesias odit divinaque verba refellit,

      Plusque sibi ingenua classe culina placet;

Non veteres Nigri gannitibus usque sodales

      Cessat ab ingrato poste movere suis.

Gaudeat hic ergo solus: qui solus ubique

10

      Esse velit, solum vel sua poena trahet.