29. ad Serenam

Quod violae in sylva Phoebo redeunte virenti,

      Fusaque per nostros lilia mane thoros,

Prata quod agrestis menthae cumulisque refercta

      Serpylli, zephyro quodque movente crocum,

5

Quod ter coccineo vestis saturata veneno

      Et rosea affractis unda relapsa cadis,

Igne quod admoto storax, quod succus avarae

      Frondis et Assyrio semina missa polo,

Quod variis doctus guttis componit aliptes:

10

      Hoc, mea lux, redolet spiritus usque tuus.