10. ad eandem

Quod soli forsan bacchemur rere, Serena:

      Vndique nunc summo rixa fragore sonat.

Ille domos iactis contendit quaerere talis,

      Hic equites tuto gaudet habere loco;

5

Dat varium teneris ludorum munus ephoebis

      Astragalus, cessat tessara nulla modo;

Hic chartas densat numerosas, ille triumphos,

      Natorum hic lusus furfure turpis amat;

Nonnullis epulum summa est vicisse voluptas:

10

      Nos certemus uter basia plura dabit.