3. ad eundem

Vatibus hic semper mos, si nova moenia visunt,

      Extitit, ut secum munera danda ferant.

Bella gerunt alii descripta, tragoedia multos

      Attrahit aut scissis naenia moesta comis;

5

Hos mage prosa iuvat, laudes hic concinit eius

      Quem petit, ille poli signa vel orbis iter:

At me virgineus torquet calor, et mea iussit

      Carmina lascivos ferre Cupido sales.

Sis, precor, his nuper contentus, maxime Tusci

10

      Rector agri: dabimus post meliora tibi!