8. in Ioannis Baptistae Carmellitani obitu

Baptistam extinctum Carmellitamne putatis,

      Cuius habet perpes frigida membra sopor?

Iniecit mors saeva manus his partibus, in quas

      Ius illi solas Iuppiter esse sinit.

5

At superest Lethe numquam delebilis ulla

      Longa per aeternum saecula pulcher honos.

Nam dum hederae, Phoebo dum laurus amica virescet,

      Vatis Apollinei fama superstes erit.