6. ad Vidam

In te Vida, Maro post saecula longa revixit,

      Maeonis e cuius personat ore tuba.

Vnde habeat causam meriti si gratia tanti

      Quaerimus, excelsi munus opusque Dei est.

5

Quippe tibi mentem gravidae genitricis in alvo

      Vnus ut omnipotens iussit inesse sacram,

Ad sua qui fieres mysteria rite sacerdos

      Flatibus excelsi numinis aequa canens.

Inde lepos, digni maiestas carminis inde

10

      Praeterit humanum caelitus orta modum!