12. ad Nestorem Malvicium equitem Hierosolymitanum

Tanta tibi est, Nestor, generosi gratia vultus

      Quilibet ut mores colligat inde tuos.

Fronte superciliis pulchre coeuntibus apta

      Gloria Malvicii sanguinis alta patet

5

Et facies risu semper distincta sereno

      Indicium verae nobilitatis habet.

Dii iubeant igitur Pylios serveris ad annos

      Nomen ut a vera sit tibi sorte datum.