2. ad dominum Antiochenum suum

A superis capiunt cuncti primordia vates,

      Materiam tractat pagina si qua gravem.

Invocat hic Phoebum coeptis castasve Sorores

      Quo melius faustum progrediatur opus.

5

Ast ego non superos caelesti sede ciebo,

      Imploranda dei numina cuique sui.

Ergo tuum fuerit magno pro numine nomen

      Praescriptum chartis, Antiochene, meis.

Qui si forte leves non dedignabere nugas

10

      Inspicere, a studio dum graviore vacas,

Nempe ego vix malim summo placuisse Tonanti

      Quando mihi est uni cura placere tibi.