32. ad Leonardum Montagnam

Primatis, Leonarde, cura sacri,

Cui dat terra suum dicata nomen

Fundata Antiochi manu potentis,

Exemplum probitatis excolendum,

5

Cunctarum decus elegantiarum

Nostri gloria saeculi poeta,

Hortator studii mei benigne,

Qui parvos epigrammaton libellos

Laudas atque probas tui Bononii,

10

Lusi nescio quid quod otiosus

Nugarum, dato praesuli, sed ante

Solers in maledicta censor esto.

Hoc post iudicium nihil verebor.