Michele Marullo epigrammaton libri 3, 21

Reference basis text: A. Perosa, 1951

Editing of the digital edition: Ketty Peruch


21. de se et Cosmo Pactio

Pulchre convenit optimis amicis,

Marullo profugoque Pactioque.

Nec mirum: pariles ruinae utrisque,

Vrbana altera et illa Fesulana,

5

Confectae resident, nec elevantur:

Insontes pariter, miselli utrique

Vno in exilio, educatuli ambo,

Non hic quam ille minus vorax amari,

Concordes comites novem sororum.

10

Pulchre convenit optimis amicis.