226. Carolus Fernandus lectorem alloquitur
Qui legis altiloqui veneranda poemata vatis,
Musa cothurnato cui dedit ore loqui!
Hactenus antiquo nimium spoliata nitore,
Nunc tamen ad priscum visa rediisse iubar.
5
Te Balbi meminisse decet, qui codice multo
Collato, haec tribuit munera tanta tibi;
Multaque Wolfgango debetur gratia, cuius
Haec nitet artifici littera pressa manu.
Ite alacres igitur, paucis ne parcite nummis,
10
Quando potest minimo maximus auctor emi.