194. F. Minitio Calvo, Romanae Academiae Cultori
Tot tibi Balbus agit grates, quod Creta racemos;
Quot Calaber spicas, quot gerit Hybla favos.
Tu mihi Romulidum praesentia numina vatum
Iungis, et in medio das Helicone locum.
5
Voti haec summa mei, senium traducere Musis,
Linquereque infelix ambitionis iter.
Et quot habet sacros Academia vestra poetas,
Qua dabitur, studiis conciliare meis.
Regum sollicita quicunque senescit in aula,
10
Aut furit, aut ultro postulat esse miser.