188. eidem

Quae placidos fontes visa est sulcare carina,

      Heu mihi quam vasto fluctuat illa salo.

Hanc miser ingressus, rapido ne subruar aestu

      Consentine bonis tu facis alitibus.

5

Tu Glaucus, Phorcusque mihi, tu sidera Laedae

      Tuque Helice, votis tu cynosura meis.

Te duce non Lybicas Syrtes, rabiemve Malaeae,

      Nec metuam Siculi monstra profunda maris.

Quem regit in fluctu tutela potentis amici,

10

      Semper inoffensa navigat ille rate.